Archive for October 2010

TT Club

October 18, 2010

Matagal na akong adik sa paglalaro ng TT. Healthy exercise kasi at sobrang nakakarelax. Sa paglalaro ng TT, dapat may diskarte at dapat marunong pumalo sa iba-t-ibang posisyon. Dapat mahigpit ang hawak. Dapat mabilis ang tira. Kung titingnan parang madali lang pero pag nilaro mo na, pagpapawisan ka.

Ikaw, naglalaro ka ba ng TT? Tama, table tennis.

High school ako nang aralin ko ang paglalaro ng TT. Nagsimula ako sa panuod-nuod ng mga players sa may canteen tuwing lunch break at pagkalabas ng klase. Mas mainam na yun kesa sumama ako sa mga kaklase ko sa pag-akyat ng puno ng bayabas at santol. Dahil likas akong magaling sa observational learner at gusto kong lalo pang magpacute sa school, natuto ako agad. Mula nun naadik na ko sa paglalaro ng TT. Dahil malakas ako sa Social Studies teacher namin  na coach ng team, naging mixed double player ako at nakapagcompete sa mas mataas na sports meet. Naging sobrang busy ako sa practice kaya nag-inarte ang GF ko nun dahil mas marami pa raw akong time sa paglalaro kesa sa kanya. Eh alangan namang laruin ko sya sa table eh ang halay tingnan nun di ba?

Pero nung mag-college ako, natigil na ako sa paglalaro. Maniwala man kayo o hindi, focused ako nun sa pag-aaral at walang gaanong oras sa ibang bagay. Katakot-takot kasi ang sermon at pang-aalipusta ang mararanasan ko pag sumablay ako sa pagpasa ng write-ups sa Journalism class namin. Salamat sa PE class kasi required kaming maglaro nun. Mas ayos na sa kin ang tumambling-tambling at maglaro kesa sumasayaw-sayaw ng God-knows-what na ballroom dance.

Pagkatapos nun, di na ko nakalaro ulet. Limang taon na yata. Kaya nga nung makakita ako ng table sa opis last year nung training naexcite agad ako. Pero wala ding kwenta kasi jackstones at patintero lang ang kayang laruin ng mga ka-wave ko.

Ngayon may mga newbie sa account namin na mga adik din sa table tennis. Habang nasa product training sila, nagtrain din sa paglalaro ng TT kaya ayun naadik din. One time nakalaro ko sila at ayun nagclick agad ang grupo dahil sa isang common denominator: mga gwapo kami. LOL. Dahil halos sabay-sabay ang shift namin, madalas kaming maglaro at nabuo na nga ang TT Club.

The TT Club (from far left: Chris, Reydel, Jon, KR, me, Kuya Arnel)

The TT Club is composed all-male members Chris, Jon, Arnel, TJ, bagong pasok na si Basti, at inyong lingkod na si beerO. Idagdag natin sa grupo ang aming soon-to-be coach na si Reydel at ang muse na si KR (na bebot ni Jon). hehe.

Nung nakaraang linggo lang, nagkaron ng bonding ang grupo. At dahil sa pangalan pa lang wholesome na ang TT club, di kami sa night club gumimik kundi sa “abandoned” house lang nila Chris somewhere Antipolo.  We had an enjoyable inuman session with our pulutans gargantuan grilled milkfish, liempo, roasted chicken, and roasted highland legumes (courtesy of Kuya Arnel). Parang mapapadalas yata ang bonding ng TT Club!