Archive for September 2010

Rated R

September 24, 2010

Late na naman akong pumasok sa office kagabi. Hindi lang late. Sobrang late. Di lang kasi ilang minuto kundi isang oras. Bad trip lang kasi malaki ang epekto ng attendance at adherence sa score card ko. Pag bagsak ako sa score card, wala din akong incentive na matatanggap. Sayang lang ang sales conversion at QA score dahil hahatakin yun pababa ng kapalpakan ko sa attendance. How sad. Lintik yan. Nakakastress na. Nung bata ako akala ko sa school lang nagbibigay ng grade pati din pala sa trababo. Ampf. Ang mas malupet pa, late na din akong bumalik galing lunch nung Monday shift. Bangag kasi ako lagi pag Lunes kasi weekend ang off ko at syempre gala at inom ang inaatupag ko sa mga araw na yun.

Speaking of weekend, gumala ako sa MOA nung Sunday. Last day kasi ng 3-day sale at may plano akong bumili ng bagong brief. Oo, ganun ako kajologs brief lang bibilhin bibiyahe pa ko ng ganun  kalayo. Nagkataon naman na papunta pala si Anna kaya nagkaron ako ng isa pang dahilan. Idagdag na din si Jepoy na first time kong nameet nung gabing yun. Salamuch sa halo-halo dude. hehe. So ayun tatlong dahilan kung bat ako napasugod sa MOA. Hitting two stones with one bird. hehe. Who’s Anna? Ahm, wag kayong mag-isip ng masama dahil friend ko lang sya sa blogosperyo at pwedeng NFF na rin. New Found Friend. woot! Actually 4 times na kaming nag-eyeball. Twice sa Cavite at twice sa MOA. Una nung Valentine’s Day. Wag ulet mag-isip ng masama kasi hindi romantic date yun. Teka lang bat parang napadefensive ko? Mas mabuti na ang malinaw ok.Pero first time kaming magkita pagkatapos ng stint nya sa Europe kaya ayun namiss namin ang isa’t-isa. Ay mali ako lang pala nakamiss sa kanya. May disclaimer talaga eh.

Since nabanggit ko na lang din ang eyeball, sana mameet ko na din ang iba pang bloggers na matagal na akong ini-invite sa mga get-together nila. Pasensya na mga parekoy (lalo na kay FB) at alam nyo naman na medyo busy ako sa drinking career ko minsan. Sa mga kakulitan ko dati sa Greenpinoy forums di ko alam kung pano ako makakabawi sa inyo. Kaya nga siguro nahihiya na akong magpakita eh. Wala na akong mukhang ihaharap sa inyo. Yung hinaharap ko na lang pwede? I mean, future. Pwede ba magpainom na lang ako ng isang case ng beer? Sige na please. Isang taon na kasi mula nung una nyo akong ininvite sa EB kaya tatapatan ko yun isang case. hehe.

Speaking of inuman, isi-celebrate ko na ang anibersaryo ng aking pagiging Ondoy survivor. Cheers! I’m just delighted to think that I’m still alive and kickin’ after that tragic experience that threatened the life of one of the most influential bloggers ever existed. May ganun? haha. Masaya ako dahil di ako napagpiyestahan ng janitor fish sa ilog. Seriously, tuliro ako nun dahil nagising na lang ako na hanggang bayag na ang tubig baha. Akala ko nga naihi lang ako sa shorts ko o nagwet dreams lang. Di ko alam kung ano gagawin ko nun. Di ko alam kung sinong santo tatawagin para tulungan ako. Naisip ko ding tawagin si Superman para iligtas ako pero dahil di nakasave phone number nya sa cp ko di ko din sya nacontact. Sobrang clueless ako kung ano gagawin at wala akong naramdaman kahit konting adrenaline rush. Ganon pala pag bagong gising akala ko binabangungot lang ako. Pero totoo pala lahat ng yun at kinabukasan parang ghost town ang Marikina at lubog sa putik ang apartment. Pero sana pala inanod ako ng baha papunta sa rooftop ng bahay nila Christine Reyes. Yikee! Hay, hanggang ngayon di ko pa rin makalimutan ang experience ko nun. Pag nakakakita nga ako ng footages ng Ondoy victims sa TV kinikilabutan ako. Nagpaflashback sa kin lahat. Pero ayos lang kasi ang mahalaga buhay pa rin ako at mas lumakas pa sa mga pagsubok na napagdaanan ko.

Ayun napadaan lang ulet ako at naisipang magpost ng random topics. hehe.