Drayber’s Rule No. 1

driver.jpg 

“BARYA LANG PO SA UMAGA”. Madalas makita ang karatulang to sa mga pampublikong sasakyan – sa dyip, traysikel, pedicab, bus, kalesa. Di na siguro ako maniniwala kung meron pa nyan sa eroplano. Para na nga tong rule na dapat sundin ng mga pasahero. Kulang na lang ipadikit to sa noo ng drayber para makita ng mga pasahero sa side mirror. Kung meron ngang Driver’s Code of Ethics, malamang yan ang una sa listahan: “Huwag tumanggap ng perang papel sa umaga.” Pero ano namang magagawa ng drayber kung wala ka talagang barya? Eh di suklian ka rin ng sangdamukal na barya. Parang gusto nyang sabihin: “Wala kang barya? Eto bibigyan kita ng marami!”

Yan lang naman ang naranasan ko kaninang umaga nang papasok ako sa trabaho. Wala akong barya kaya isang-daan ang inabot ko sa drayber. Sais lang naman ang pamasahe pero pasensya na, wala talaga akong barya. Two hundred na lang kasi ang natira sa wallet ko. Kasya pa naman siguro ang two hundred kong budget hanggang Biyernes, ang much-awaited pay day. Ewan ko ba kung nang-aasar lang ang drayber o talagang nambubwisit. Suklian ba naman ako ng P94 na puro kumakalansing na barya! Parang gusto kong magtanong kung wala siyang tig-25 o 10 sentimo. Gusto ko nang itodo ang pang-aasar nya sa kin. Dahil nga sa rule, di ko na nagawang magreklamo. Shet! Akala siguro ng damuhong to na pang-piggybank ang isusukli nya sa kin. Medyo mahaba naman ang pasensya ko kaya deadma na lang.

Naisip ko rin na baka sign na to para magtipid ako, na ipunin ko ang mga barya. Baka gusto ni Kumpareng God na mag-cost cutting ako. Di naman ako masyadong magastos dahil wala naman talaga akong pang-gastos. Pero panahon na rin siguro para mag-save ng konti kasi sa halos isang taon kong pagtatrabaho eh wala man lang akong naipon. Fify percent kasi ng konti kong kita eh napupunta sa pamilya ko.

Naalala ko rin yong alkansya ko nong uhugin pa ko at nanonood pa ko ng Ewoks at Mask Rider Black. Yon bang kawayan na binutasan at ginawang alkansya. Pag may natitira sa baon ko eh hinuhulugan ko ng piso araw-araw. Di rin naman napuno kasi pag wala akong pambili ng “teks” eh sinusungkit ko yong laman. Madalas akong matalo non, idagdag pa yong magagaling na boy scouts na akala mo kung sino at nagko-confiscate ng “teks”. Kaya yon, binalinag ko na lang yong alkansya at ipinambili ng “teks”. Pag recess naman eh diretso agad sa canteen sabay bili ng tira-tira. Buti na lang brick game pa lang ang uso non at di computer games. Baka na-adik din ako kung nagkataon.

Kitam! 😆 Kahit na nga noon eh di ako nag-succeed sa pagsi-save. Ngayon pa kaya na kahit cotton buds eh kelangang bilhin. Kelangan ko ring kumain kahit dalawang beses man lang sa isang araw. Sangkaterba pa ang dapat bayaran. Nandyan yong landlady namin na madaling-araw pa lang siguro kung maningil. Shet! Di ko pa nga natatanggal ang “morning glory” ko eh kumakatok na. Grrrr…Minsan nga bingi-bingihan effect lang ako. 👿

Wheew! Napakahabang flash back naman non. Kaya pala walang natitira sa sweldo ko. Minsan nga kapos pa budget ko. Di na nga aabot sa isangdaan ang pera ko sa ATM. Wala man lang akong ibabayad kung makaapak ako ng kamatis sa sidewalk.

I think it’s time to save! Na-realize ko na bawat sentimo sa bulsa natin eh mahalaga. Mag-iipon talaga ako ng 5 cents. Chinese New Year’s resolution ko na yan. Para sa susunod na pagsakay ko sa dyip ng drayber na yon, maduling sya sa kabibilang ng pamasahe ko! 😆 Baka sakaling tuklapin na nya ang “BARYA LANG PO SA UMAGA!” at baguhin ang sarili nyang patakaran.

Advertisements
Explore posts in the same categories: kwentong kalye, roadrunner

One Comment on “Drayber’s Rule No. 1”

  1. gasti Says:

    pre swerte yanng mga barya..chinese new year na kasi..kung hei fat choi!

    mag-ipon ka na lang pambili ng hentai. 😀

    kaya nga eh. baka sakaling swertehin ako sa year of the rat. 😆 kung hei fat choi din!

    salamat sa suggestion. 😆 Chinese New Year’s resolution ko na rin yan: ang manood ng hentai! 👿


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: